Colegio San Xosé (Ourense)
Alumnos:
  • Alumnos de 2.º de ESO
Profesores:
  • María Vila Cid

Estamos ante momento galego histórico: o ano pasado celebráronse os 100 anos da Revista Nós.

A Xeración Nós, tamén coñecida como Época Nós, fai referencia a un grupo de autores que, relacionados coa Revista Nós, marcan unha das épocas culturais máis relevantes, non só da Galicia de preguerra, senón de toda a historia de Galicia.

Todo xira arredor da Revista Nós, publicada integramente en galego entre 1920 e 1936. Todo tipo de contidos: literarios, filosóficos, políticos, entre outros, formaban parte de cada un dos números que se publicaban. Impulsada polo ideólogo Vicente Risco, sempre quixo atopar colaboracións fóra da pequena provincia para poder darlle á revista un carácter nacional e incluso europeo. A revista sempre estivo moi unida ao pensamento nacionalista e o seu principal obxectivo foi normalizar o uso do galego en todos os ámbitos. Os deseños gráficos estaban presentes da man de Afonso Daniel Rodríguez Castelao.

A revista quería descubrir a identidade galega, polo que introducía investigacións sobre arqueoloxía, etnografía, historia e moitos outros temas. Houbo unha forte presenza doutras culturas, relacionadas cos gustos de Risco, como por exemplo, Francia e Alemaña. A situación sociolingüística, que era considerada semellante tiña gardado un pequeno recuncho, podíanse atopar artigos relacionados coa Bretaña, con Cataluña…

Unido a esta revista xorde o Grupo Nós, grupo de escritores ou literarios galegos que devolveron a Galicia un esplendor cultural que non se vía dende a época de Isabel a católica cando Galicia foi inxustamente marxinada na guerra pola coroa de Castela. Foron os maiores representantes dunha das mellores épocas vividas pola lingua galega, despois dun longo durmir cultural e social. Con eles, a prosa en lingua galega deixou de ser só cousa «rural» e «de costumes» e transformouse nunha arma que cambiou a literatura. Abriu camiños e portas antes pechados, sen soltar as humildes raíces, o cal desembocou nunha revolta literaria. Marcaron unha época, revolucionaria como é a Galicia de preguerra, que comezou cun simple título nunha revista provincial.

«Coa xeración Nós naceu o galeguismo, naceu outra mirada con respecto a Galicia»

ALBA PRIETO

Unha das características da xeración foi o seu afán divulgador, de compartir coñecementos. Hoxe fala diso unha mestra, Pura Álvarez, directora e profesora xubilada do CEIP de Punxín, 

-Que opina da xeración Nós?

-Que foi unha xeración moi importante para a vida cultural de Ourense e de Galicia.

-A quen coñece do grupo? 

-Pois aos máis representativos, ademais hai rúas en Ourense e institutos: Otero Pedraio, Blanco Amor, Florentino Cuevillas, Ramón Cabanillas, Antón Losada, e, por suposto, fóra de Ourense, Castelao.

-Influíu na súa vida a xeración Nós?

-Si, claro, porque a raíz desta xente naceu o galeguismo, naceu outra mirada con respecto a Galicia, máis progresista, máis en liña con Europa; é máis naceu o Estatuto de autonomía. Evidentemente iso influíu radicalmente na nosa nación galega e, polo tanto, na miña vida.

-Cre que a Guerra Civil influíu no final da xeración Nós?

-Enormemente, porque nos anos 20 Galicia levitaba a nivel cultural, a nivel político, a nivel social e todo iso se rompeu. Onde estariamos hoxe se iso tivese unha continuidade? Probablemente estariamos a nivel dos europeos de primeira liña.

Compartir en Compartir en Facebook Compartir en Twitter Compartir en WhatsApp

13 usuarios han votado por esta noticia.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies