JESÚS GARRIDO

Xa sabemos que a festa importante do libro, proclamada pola Unesco en 1995, é o 23 de abril, coincidindo coa data da morte de tres grandes escritores: Miguel de Cervantes, Garcilaso de la Vega e William Shakespeare. E, por outra banda, cada mércores do curso escolar o suplemento La Voz de la Escuela chega ás aulas servindo noticias que dan forza e actualidade permanente ao contido de cada unha das áreas de aprendizaxe que figuran nos libros e programas oficiais.

Hoxe a noticia é… o libro! Hoxe queremos tributar unha homenaxe especial ao libro, neste mes de maio tan preto dos exames finais. Paso ao libro pois!… Será a consigna e que La Voz de la Escuela busque soamente noticias que animen a superar os seus exames de temas de cada materia e conseguir así un verán máis fresco ou quente, ao gusto de cada cal.

O Jikji

Sabes cal foi o primeiro libro impreso? O primeiro libro impreso no mundo foi o Jikji, un documento budista coreano impreso polo templo de Heungdeoksa, en Cheongju en 1377. Ou o que é o mesmo, este libro foi impreso unhas oito décadas antes que o primeiro incunable que saíu da imprenta de Johannes Gutenberg —pescuda que quere dicir incunable—.

O libro impreso con tipos metálicos móbiles máis antigo do mundo, o Jikji, foi publicado polo menos 78 anos antes que a Biblia de 42 liñas de Gutenberg e 145 anos antes que o Rocío exuberante dos anais de primavera e outono de China, o que demostra suficiente valor como para que sexa considerado patrimonio da humanidade. O 4 de setembro do 2001 o Jikji foi inscrito no rexistro MoW en recoñecemento do seu valor.

O Jikji consta de dous volumes. O primeiro inclúe a primeira parte das analectas —fragmentos literarios escollidos— sobre a consecución do espertar con sete Budas do pasado, 28 patriarcas da India, seis mestres zen e as cinco familias e as sete seitas de China. E o segundo volume inclúe directrices para a meditación sentada, a segunda parte das analectas, sobre a consecución do espertar coas cinco familias e as sete seitas de China, pláticas de dharma —é dicir, de pautas de comportamento relixioso—, cantos de encomio, tratados, colección de epístolas, comentarios sobre escrituras, etcétera. Foi doado en 1952 á Biblioteca Nacional de Francia e recoñecido oficialmente pola Unesco como «o primeiro libro impreso con tipos metálicos mais antigo que existe no mundo».

Homenaxe

Hoxe, xa que logo, rendemos homenaxe a este libro tan especial e proclamámolo Noticia do día, ocupando enteiramente o noso recuncho desta Guía do profesor.

ACTIVIDADES

A1 | O día que en La Voz non se fale dalgún libro, á parte do suplemento Fugas, no que hai varias páxinas dedicadas ás novidades editoriais, podes pensar que é un día ben raro. Busca, normalmente nas páxinas de Cultura, de que libros se fala estes días, próximos á festa das Letras Galegas.

A2 | Para saber máis sobre o libro máis antigo do mundo, o Jikji, podes visitar este enderezo.

Compartir en Compartir en Facebook Compartir en Twitter Compartir en WhatsApp

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies