JESÚS GARRIDO
Falando, por exemplo, en linguaxe deportiva, sempre que o balón chega á área… defensores e atacantes utilizan as súas mellores sabedorías para evitar riscos ou lograr redondos resultados.
O pupitre do alumno, o aro do baloncesto e a portería de fútbol son imprescindibles testemuñas de resultados finais. No anterior número de La Voz de la Escuela citamos o estudo de The New York Times titulado «15 Questions About Your Life in Schools: A Special Forum for Students and Teachers», que pode lerse en internet buscando polo título ou a través desta ligazón.
Neste artigo proponse unha serie de investigacións que nos axudarán a comprender mellor a área persoal do alumno respecto á aprendizaxe escolar: como se ve cada un, que intereses persoais ten, que lle gustaría facer e aprender, que noticias, por exemplo, lle atraen persoalmente a fixarse en que sentido pode o xornal achegarlle datos que lle gustaría aplicar e coñecer con máis detalle.
É, sen dúbida, un consello práctico para apoio e axuda dunha actividade. Pero, ao principio, polo menos, non se debe insistir tanto, dicíanos unha activa profesora, en buscar noticias exclusivamente por e para unha materia escolar concreta. As noticias importantes, en xeral, son moito máis abertas e teñen normalmente datos interdisciplinares que non poden cinguirse a un tema. O destacar que é o importante nesa noticia e aplicable a unha «lección concreta dunha área determinada en clase» é o gran labor dun profesor.
Moitas veces, en verdade, o xornal, coa amplitude de tamaños e noticias, vólvese unha pequena lea e só a axuda técnica do profesor pode facilitar un bo traballo atendendo á área persoal dos alumnos. Pero lógrase.
