4. ACTIVIDADES

TÉCNICA: INFORMACIÓN

A aprendizaxe cooperativa. Os que inventaron ou reestruturaron en moitas escolas do mundo a aprendizaxe cooperativa, que por certo ten séculos de historia, afirman que unha das maiores dificultades que ten a aprendizaxe en grupo é o rexeitamento inicial que teñen os chamados «alumnos de boas notas».

Segundo temen, «van perder moito tempo» ao axudar a que os demais do seu grupo aprendan e renunciar a que eles mesmos poden progresar moito máis cando o fan dun xeito autónomo e sen preocuparse do que lles pasa aos demais. «Iso é problema do profesor, e non meu», afirman moitos dos que se consideran listos e traballan pola súa nota independente e sen estorbos.

Os sistemas de aprendizaxe cooperativa teñen, sen dúbida a súa resposta xa que, cando ensinas a outro, aprendes ti moito máis. A proba témola nos mesmos profesores: canto máis e mellor ensinamos, máis aprendemos.

¿Seremos capaces de aprender máis solidariedade en toda a nosa estrutura

de aprendizaxe? Tratemos de ensinala.

-Para empezar, dámosche unha referencia accesible inmediatamente.

TÉCNICA: CASOS

Noticias con %u201CSOL%u201D de solidariedad (LVG18/02/09)

Todos os días o xornal presenta noticias que serven para que en clase estudemos o tema da Solidariedade. A unhas poriámoslle unha (S): a outras (SO); e soamente algunha levaría o (SOL) da Solidariedade, porque ten as 3 íes: é importante, interésache a ti; é investigable e tedes datos doados para o seu estudio. Son noticias dun só día (LVG 18/02/09) e podes, por suposto, buscar outras de actualidade no xornal.

-Touriño tomou café procedente do comercio xusto cun grupo de representantes galegos de cooperación internacional ( )

-Esquerda Unida denunciou onte o que considera «deixación e pasividade do bipartito» para atender aos galegos afectados por abestosis ( )

-Galicia Bilingüe acusa a Anxo Quintana de incitar ao odio contra a organización e a Touriño de dar osíxeno aos violentos co seu silencio ( )

-A crise económica afecta gravemente á rehabilitación dos presos, pois os que saen do cárcere non atopan traballo ( )

-Rubalcaba prohíbe que a policía pida a documentación aos inmigrantes ata lograr cada día unha cota determinada dos sen papeis ( )

-O Goberno financiará con 190 millóns os proxectos das oenegés: é o 80% dos 245 millóns recadados do IRPF por fins sociais ( )

TÉCNICA: AUDIOVISUAIS

Presentamos tres películas de rango clásico e outras dúas de actualidade sobre o tema da solidariedade, analizadas por Carmen Pereira, experta en cine e valores.

1. EL CHICO, (The kid), Charles Chaplin, EEUU, 1921, 88 minutos. Comedia-Drama. B/N. Muda.

– Argumento: Unha pobre muller acaba de ter un fillo. Non ten recursos e vese na necesidade de abandonalo. Con pena déixao na casa duns millonarios, pero o destino fai que o bebé caia en mans dun vagabundo que o coida e educa coma se fose o seu pai. Cinco anos despois a nai, convertida nunha recoñecida cantante, quere recuperar o seu fillo. Unha historia con trazos autobiográficos de Chaplin.

– Temas: nai solteira; abandono infantil; pobreza; caridade; servizos sociais;

hospicios e institucións; adopción; dereitos dos nenos e nenas; educación social. www.uhu.es/cine.educacion/cineyeducacion/temaschico.htm

2. LOS OLVIDADOS, Luis Buñuel, México, 1950. Drama social. B/N. 80 minutos.

– Argumento: O Jaibo, un adolescente, evádese da institución preventiva e reúnese no barrio mexicano cos seus amigos. Xunto con Pedro e outro neno, trata de asaltar a Don Carmelo. Ao pouco tempo, o Jaibo mata en presenza de Pedro ao rapaz, suposto culpable do seu destino no correccional. A partir deste suceso, os destinos de Pedro e de Jaibo veranse dramaticamente vinculados.

– Temas: familias desestruturadas; carencia afectiva; abandono social; marxinación; nenos vagabundos ou da rúa; minusvalidez; maltrato; delincuencia; centros de protección de menores.

www.cinemexicano.mty.itesm.mx/peliculas/olvidados.html

3. LOS SANTOS INOCENTES, Mario Camus, España, 1984. Drama rural. 107 minutos. Premio Festival de Cannes mellor interpretación masculina (Paco Rabal y Alfredo Landa)

– Argumento: unha familia de campesiños españois vive subordinada á clase terratenente, domina as posesións e ordena sobre eles. A súa vida limítase á submisión e á obediencia. Pero o destino verase marcado e algo tráxico romperá a súa condena.

– Temas: pobreza e marxinación social; clases sociais; obediencia e submisión; autoritarismo; xustiza social.

es.wikipedia.org/wiki/Los_santos_inocentes_(película)

4. CADENA DE FAVORES, (Pay it Forward). Mimi Leder, EEUU, 2000. Drama. 122 minutos.

– Argumento: un profesor co rostro e a alma cheos de cicatrices, propón aos seus estudantes a tarefa de buscar estratexias para mellorar o mundo, en especial, a comunidade onde viven. Un dos rapaces, moi motivado na proposta do seu profesor, inventa un sinxelo pero enxeñoso sistema: axudar a tres persoas en algo que non poderían lograr por si mesmos e cada unha desas tres persoas debe axudar a outras tres e así sucesivamente.

– Temas: familia desestruturada; alcoholismo; drogas; violencia; solidariedade; xustiza; cidadanía.

www.es.wikipedia.org/wiki/Cadena_de_favores

5. EN EL MUNDO A CADA RATO, Patricia Ferreira, Javier Corchera, Chus Gutiérrez, Javier Fesser, Pere Joan Ventura. España, 2004, 116 minutos. Documental- Drama.

– Argumento: a través de cinco historias protagonizadas por nenos e nenas, cinco directores mostran a súa visión das cinco prioridades polas que UNICEF traballa en todo o mundo.

-Temas: dereitos de nenos e nenas; educación e promoción da saúde: inmunización; loita contra o VIH (sida); protección contra a violencia, a explotación e a discriminación; marxinación; xustiza social; solidariedade; labor das ONGs.

www.unicef.es/contenidos/199/?idtemplate=1

TÉCNICA: BIBLIOGRAFÍA

-CÁRDENAS, E. La solidaridad es vida plena: materiales didácticos para adolescentes. CCS, 2006

-GARCÍA-RINCÓN, C. Habilidades sociales para voluntarios. PPC 2007. Gestión y desarrollo de las 6 principales competencias prosociales en el ámbito de ayuda.

-LAFUENTE, F. Sembrar valores, recoger futuro. CCS 2005. Textos y actividades para fomentar actitudes responsables y solidarias.

-NIEVES, Mª. La solidaridad como pedagogía. Ed. Ciudad Nueva. Escuelas que ayudaron a mejorar la vida de mucha gente y a que los alumnos crezcan como personas.

-ONG en España: Una amplia y detallada guía de oenegés con sus campos de acción y actividades diversificadas:

-ONG en Galicia: Aunque no están todas, te pueden informar de más: -PANIEGO, J. y LLOPIS, C. Educar para la solidaridad. Ed. CCS 2001.

Metodología y modelos de técnicas para su educación, actitudes solidarias. Sesiones tipo: juegos cooperativos, temáticas de solidaridad

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies