4. ACTIVIDADES
Seleccionamos noticias ou feitos recentes que poderán axudarnos a comprender mellor estes tres elementos de relevancia ambiental
TÉCNICA: INFORMACIÓN
Con frecuencia atopámonos con noticias que insisten na deterioración do medio, e é certo; pero, de vez en cando, e agora que estamos xa co fin de curso e en vésperas dun bo verán, é un excelente estímulo recordar que tamén o aire, a terra e o mar que nos rodea ofrecen noticias refrescantes, sobre todo se se producen e desenvolven moi preto de nós.
POR TERRA: <O Xurés, quinta reserva da biosfera en Galicia>
A Unesco crea no Xurés a quinta reserva da biosfera de Galicia
A reserva é unha zona de transición entre as rexións biogeográficas atlántica e mediterránea. O Consello Internacional de Coordinación do Programa MAB (Home e Biosfera) da Unesco aprobou na súa reunión bianual celebrada na illa de Xexu, na República de Corea, a declaración como reserva da biosfera da rexión transfronteiriza de Xurés-Gerês, unha área formada por seis municipios da provincia de Ourense e por outros.
– Noticia do día: elixe Seleccionar a data do 27 de maio e alí atoparás datos, referencias e actividades interesantes:
https://www.prensaescuela.es/web/noticiadia/noticiadeldia.php
POR AIRE: <Fauna alada en Galicia>
Unha Exposición de Caixa Galicia que percorreu varias localidades. O seu tema: Insectos, aves e mamíferos. Descobre os seres vivos entre o seu ambiente. As súas cores. As súas ás ao voo. Que fan, que comen, en que nos axudan, onde viven. O seu corpo, os seus nomes en dúas palabras, as súas plumas, as súas marcas de voo, o seu deseño e sustentación no aire. ¿Gústache a ornitoloxía? ¿A onde ir para velos?
– Fichas didácticas da Exposición e actividades
POLO MAR: <Galicia é a comunidade con máis bandeiras azuis>
As praias e portos galegos contarán cun total de 124 insignias fronte ás 105 do ano pasado. Foz foi distinguido pola súa educación ambiental e, Vigo, polo seu socorrismo. Galicia é a comunidade con máis bandeiras azuis en termos absolutos, dun total de 124 das 493 praias e 78 portos españois que obtiveron este ano ese selo ambiental internacional que certifica o cumprimento de criterios de calidade como a accesibilidade, a salubridade das augas, a información ambiental aos usuarios ou o respecto á lexislación.
Despois de Galicia figuran Cataluña (108), Comunidade Valenciana (101), Baleares (85), Andalucía (83), Canarias (35), Murcia (16), Asturias (12), País Vasco (3) e Ceuta e Melilla (dous cada unha delas), segundo Adeac.
TÉCNICA: AUDIOVISUAIS
DERSU UZALA (O cazador). Akira Kurosawa. Rusia, 1975. 141 minutos. Drama. Gañadora dun Oscar á mellor película estranxeira. Gran premio no Festival internacional de Moscú.
Argumento: Un explorador do exército ruso entaboa amizade cun cazador de orixe mongol na estepa siberiana. Pasados uns anos, a relación entre ambos os dous reiníciase pero as cousas cambiaron. Dersu ensinará a Vladimir a convivir en plena harmonía coa natureza e a respectala ao máximo para non perturbar a existencia de ambos os dous. Á súa vez, Vladimir aprenderá unha lección inesquecible na súa vida. Respecto á natureza; o valor da amizade; o valor da vida.
O CAZADOR (The Deer Hunter). Michael Cimino. EE.UU. 1978. 183 minutos. Drama bélico. Gañadora de 5 Oscar: mellor película, director, actor secundario (Christopher Walken), son, montaxe.
Argumento: Un grupo de amigos inseparables traballan nos altos fornos de Pensilvania. Nos seus anacos de ocio cazan cervos nos montes Allegheny. Transcorre o ano 1968 e a guerra de Vietnam atópase na súa etapa máis devastadora. Tres dos homes do grupo alístanse. Son feitos prisioneiros polo Vietcong e vense obrigados a xogar á ruleta rusa polos seus inhumanos apresadores. Aínda que conseguen escapar, esta experiencia déixaos marcados para toda a vida.
BAILANDO CON LOBOS (Dances with Wolves). Kevin Costner. EE.UU. 1990. 180 minutos. Wéstern. Aventuras. Gañadora de 7 Oscar: mellor película, director, guión adaptado, fotografía, son, banda sonora orixinal, montaxe.
Argumento. Estamos en 1860, unha época de notables cambios históricos nos Estados Unidos, cando os colonos comezaron a emigrar cara ao Oeste, aos territorios dos indios. O tenente John J. Dunbar, soldado nas filas da Unión, desexoso de coñecer a última fronteira antes de que esta desapareza, entra en contacto cos indios Sioux. Entre eles atópase unha muller branca adoptada pola tribo cando era nena. Pouco a pouco, Dunbar e os Sioux empezan a sentir respecto e admiración mutua. Colonización; protección da natureza; respecto intercultural; tolerancia.
A SELVA ESMERALDA (The Emerald Forest). John Boorman. EE.UU. 1985. 111 minutos. Drama-Aventuras.
Argumento: Nárrase a historia real dun neno, fillo dun enxeñeiro americano que está a construír unha presa na selva amazónica, que desaparece na xungla sen deixar rastro. Convencido de que foi raptado por unha tribo indíxena e de que segue vivo, o seu pai búscao durante anos. Respecto polo medio; ecoloxía e pacifismo.
* O BOSQUE ANIMADO. Manolo Gómez e Ángel de la Cruz. España, 2001. 82 minutos. Animación. http://www.elbosqueanimado.com
Argumento: Diariamente, o ocioso señor D%u2019Abondo e o seu fiel criado Rosendo atravesan a fraga de Cecebre. Ás veces, o servente non cesa de exclamar: %u201C¡Parece que estivese animado o bosque enteiro!%u201D. E así é, en canto os humanos se afastan, a natureza se transforma e se mostra en todo o seu esplendor, mentres as árbores e animais viven en plena harmonía.
* UNHA VERDADE INCÓMODA (An Inconvenient Truth). Davis Guggeheim. EE. UU. 2006. Documental. 96 minutos. Gañadora de 2 Oscar ao mellor documental e mellor canción.
Argumento: Unha demostración sobre os efectos devastadores do cambio climático, presentado por Al Gore, ex vicepresidente norteamericano, un contundente e preocupante retrato da situación do planeta, ameazado polo quentamento global provocado polas inxentes emisións de CO2 por parte da acción do home. Na cita fanse referencias e conexións a varios vídeos e escenas que serven para debater este tema complexo do cambio climático e as súas consecuencias, tendo en conta non só os datos que alí se expoñen senón tamén a conexión con outras opinións que o profesor poderá propoñer aos seus alumnos.
