VALOR CIDADÁN 4: COÑECEMENTO CIENTÍFICO /

UNIDADE 4: COÑECEMENTO CIENTÍFICO E SOCIEDADE

O presente e-studo consta de 4 Unidades, que se editan separadamente na web. Para facilitar o traballo en clase pódese consultar tamén nun documento único, editado en word, nesta mesma Unidade.

INTRODUCCIÓN

A ciencia conforma a nosa propia escala de valores, as ideas que temos sobre a vida e a morte, sobre as causas das cousas, o pasado da humanidade e o futuro do planeta.

Aquí e en calquera outro lugar, a ciencia é motor da sociedade nunha dobre faceta: por unha banda no que chamamos prosperidade e progreso; o que está en relación coa produción e a economía, mediante a tecnoloxía e a innovación. A ciencia inflúe sobre a enerxía que producimos e consumimos, a calidade do aire que respiramos, os computadores, teléfonos ou trens de que dispomos, os medicamentos e alimentos con que contamos, a calidade e duración da nosa vida.

1. A NOTICIA

A restauración social da ciencia

«Quédome cunha frase do discurso de Barack Obama: We will restore science to its rightful place. Esas palabras, con inevitables referencias ao pensamento de Francis Bacon hai xa catro séculos, recollen a idea dun home cargado de ilusión, ante millóns de persoas de todo o mundo, tamén plenas de ilusión. -“Devolveremos a ciencia ao lugar que lle corresponde”, prometeu o novo presidente dos Estados Unidos de América no seu acto de investidura, e eu quero pensar que aquela ilusión colectiva tamén significa que estamos de acordo en dar á ciencia unha maior relevancia, en todos os países»

Ramón Núñez. La Voz de laEscuela, 4 de febreiro do 2009.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies