JESÚS GARRIDO

La Voz de Galicia do pasado domingo, 4 de abril, ofrecía máis de 150 noticias de interese, distribuídas, con maior ou menor texto, nas súas diversas seccións: primeira páxina, A fondo, Galicia, Opinión, España, Internacional, Sociedade, Economía, Marítima, Cultura, Deportes, Lecer e tendencias, Alta definición, última páxina.

UN TRABALLO DE CONXUNTO

Nos diversos cursos para profesores sobre o uso do xornal na escola que se ofreceran propúñaselles un exercicio de selección de noticias nas diversas seccións do xornal. Isto tiña a vantaxe non só da selección da noticia coa que ían traballar na aula, senón a de que os obrigaba a coñecer mellor o xornal por dentro. E, despois, seleccionasen a noticia elixida para traballar con ela na aula.

O xornal, xa que logo, era o obxectivo, e non só as súas noticias. Este exercicio é moi importante e debe seguir facéndose agora, e non quedar só en seleccionar unha noticia e xa está. Ao ver, páxina a páxina, o xornal na aula —mellor en papel, pero tamén na súa versión en liña— proporcionaralles aos alumnos non só interese, capacidade de selección e recursos, fotos, títulos, fotos, comentarios, etcétera.

Nun exercicio cun grupo de alumnos analizouse, por exemplo, La Voz de Galicia do 4 de abril do 2021. E resultou así de ben… Animámonos?

PRIMEIRA

María Pita recupera as súas badaladas

España deixa sen pór un millón de vacinas durante a Semana Santa

 Aumentan as cláusulas abusivas nos alugamentos

A FONDO. Páxinas 2 a 8

Galicia sae da terceira onda coa taxa de mortalidade máis baixa da Península. Terceiro día consecutivo sen novos contaxios de covid na residencias. A transmisión do coronavirus mantense estable

España prorroga outros dez días o peche da fronteira interior con Portugal. Milleiros de persoas contras as restricións en Alemaña. Francia comezará a vender autotest de covid nas farmacias. Turistas franceses en Madrid: «É volver á vida normal»

Sobrevivir mentalmente á pandemia. Algunha solución máis aló do bromazepam… ou esperar a ver se chegamos vivos ao final?

O ritmo de vacinación cae en España nos días festivos da Semana Santa. O Países Baixos suspenden todas as vacinacións con AstraZeneca

Por que as mulleres e os mozos sofren máis reaccións ás vacinas?

A aplicación das cláusulas abusivas nos alugueiros dispárase pola pandemia. En España hai xa 1.600 insolvencias empresariais ocultas a causa da crise. Traballadores en ERTE terán seis meses para pagar o IRPF a Facenda

GALICIA. Páxinas 9 a 14

A Xunta reaxusta os programas para arranxar no 2021 unhas 6.000 vivendas. O BNG tacha de irresponsable a inexecución de 1.400 millóns de fondos europeos. Varios deputados galegos do PP urxen a reparación do túnel da Cañiza na A-52

O Estatuto de Galicia cumpre 40 anos sen peticións activas para a súa reforma. Acceso ao autogoberno: unha negociación confusa, marcada pola «aldraxe»

Desde Boqueixón imparte tutoriais de carpintería mentres monta o seu taller. A Xunta busca descendentes de galegos residentes no exterior para estudar másteres

O cadáver achado en Mos presenta o cranio incompleto por un forte golpe. Cee chora a perda de María Riveiro, a sanitaria de sorriso perenne

O arquitecto que alertou dos problemas do Gaiás hai vinte anos: «É coma un pesadelo»

 Os presos máis violentos de Galicia. Falece un home en Cangas cando usaba unha motoserra. Morre en Melide tras a rotura do disco dunha rebandadora. Unha condutora que cuadruplicaba a taxa pide axuda a Tráfico para chegar ao seu traballo. Piden cinco anos de cárcere por estafar 40.000 euros a un home maior

OPINIÓN. Páxinas 15 a 18

Cataluña, Escocia, Quebec: unha lección. Non digas que foi un sono. Beneficios e riscos

O viacrucis do litoral galego. Sen morderse a lingua. Fatigados e pandémicos

Abrir a festa, pechar o Estado. A saúde antes ca o lucro. Cartas ao director

 Os gólem. As mil caras da pobreza. Estanme comendo o eido. Café con leite e máscara

ESPAÑA. Páxinas 19 a 21

Sánchez conxela os xestos a ERC, á espera do desenlace en Madrid e Cataluña. Os republicanos reiteran a JxCat que no controlará el Goberno desde Waterloo

Madrid convértese no laboratorio do novo taboleiro político

 Miras premia a unha ex deputada de Vox e a inclúe no seu Goberno. O presidente de Melilla, expulsado de Cs, reitera que non abandona o cargo. Breves

INTERNACIONAL. Páxinas 23 a 24

O regreso do esquerdista Lula da Silva revoluciona o taboleiro político de Brasil. Ao holandés Rutte complícaselle formar Goberno. Morre outro dos médicos rusos que atenderon a Navalni tras ser envelenado

Os mexicanos están a volver a Estados Unidos. Breves

 O atacante do capitolio era un mozo con problemas mentais e seguidor da Nación do Islam

SOCIEDADE. Páxinas 25 a 26

«Se pasan máis de tres horas, é difícil recuperar un membro amputado». Asociacións LGTBI denuncian pintadas contra homosexuais e trans en varias cidades. O Ingenuity fará o seu primeiro voo en Marte a partir do 11 de abril. O Cairo traslada 22 momias nun espectacular desfile de época

Os novos avances aumentan os anos con calidade de vida dos doentes de párkinson

ECONOMÍA. Páxinas 27 a 29

As argucias para cambiar ao cliente o contrato de luz sen sabelo sofistícanse

Está en ERTE? Revise o pagamento, equivócanse. As fábricas xa producen ao ritmo máis rápido dos últimos 15 anos

Entrevista ao presidente da asociación de estacións de servizo. A Xunta solicita fondos da UE para 12 polos de emprendemento no rural

MARÍTIMA. Páxina 30

 España mirará a potencia dos motores da flota pesqueira. Boris Johnson anima aos británicos a comer máis pescado

CULTURA. Páxinas 31 a 32

O legado dos pintores Mallo e Seoane

 Crítica de cine

DEPORTES. Páxinas 33 a 38

A Real Sociedade, campioa 34 anos despois. Incidentes en Bilbao, cunha moza hospitalizada

O Real Madrid cumpre ante o Eibar. O Atlético xoga no Pizjuán sen marxe de erro. Breves

 Mendizorroza, nova vía do Celta cara á permanencia. Goleada do Villarreal ao Granada. Lugo e Málaga, no Ángel Carro

Raí marca tendencia na medular

Mala aterraxe do Celta B en Balaídos. Paso cara atrás do Compostela. O Racing busca un triunfo ante o Langreo

 O Leyma recibe a un Almansa do que Sergio recea. O Obradoiro desperdiciou en 30 segundos unha gran remontada

LECER E TENDENCIAS. Páxina 45

 «Para concursar non só fan falta coñecementos, senón manter a calma». Froilán e Victoria Federica, de vacacións en Marbella. Rocío ou o poder da televisión. CSI volverá a Las Vegas con William Petersen e Jorja Fox

ÚLTIMA

Resurrección

 Grellada en Venres Santo

 

ACTIVIDADES

Pois… moi ben. O xornal, en papel, ou tamén en liña.. debe estar en clase. É un bo profesor: sabe moito, exprésao moi ben, repíteo, dálle foto e cor… e acompáñanos todos os días.

Facemos a selección das noticias de hoxe… en grupo, xornal en man? En realidade, é o novo libro… de todos os días!

Compartir en Compartir en Facebook Compartir en Twitter Compartir en WhatsApp

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies