Pregunta: Laura, 12 anos, CEIP de Rubiáns, Vilagarcía de Arousa (Pontevedra)
Responde: Cristóbal Ramírez Gómez.

Pois case todas son difíciles, Laura. Por moita experiencia que teñas nesta profesión hai o que se chama o “pánico ao folio en branco”. É dicir, sentábaste ante a máquina de escribir noutros tempos e ante o ordenador hoxe e non arrincas. ¿Por onde empezo? Unha vez que tes as primeiras liñas todo adoita ir xa rápido. E iso pásanos a todos os xornalistas de La Voz de Galicia e a todos os xornalistas do mundo, a uns máis e a outros menos. Pero claro, previamente houbo que recoller a información, e aí si que as cousas adoitan ser máis complexas. No meu caso persoal, xunto co meu compañeiro (por desgraza, xa falecido) Manuel Marlasca (na foto), correspondente en París, levoume case medio ano ter os datos para poder publicar unha reportaxe sobre uns terroristas islamitas que pasaban armas por Alacante e actuaban en Francia residindo en Bélxica. ¿Complicadillo, eh?

Fai a túa pregunta

15 + 3 =