PREGUNTA: Laura, 12 anos, Colegio Apóstol Santiago, Vigo.
RESPONDE: FRAN ARMESTO.

Que o seu corpo comeza a cambiar co obxectivo de asegurar o crecemento do embrión que crece no seu interior, así como para facilitar o parto final e a supervivencia do recentemente nado. E todo isto sucede a consecuencia da revolución hormonal que provoca a fixación do embrión no útero. Por exemplo, o que se fai máis visible é que dentro da súa barriga crecerá a placenta, o órgano que envolve e protexe o embrión, e a través do cal se alimenta e respira a partir do sangue da súa nai. Os peitos tamén crecen pois no seu interior aumenta o tamaño das glándulas mamarias que se empregarán para fabricar leite. Entre outros moitos cambios, tamén sucede que aumenta paulatinamente a frecuencia cardíaca, que os riles reteñen máis sal e auga (o que incrementa a cantidade de auga nos tecidos) e que a cartilaxe que une os ósos das cadeiras vólvense máis elásticas, o que facilitará o parto.

Fai a túa pregunta

11 + 9 =