Pregunta: Luis, 10 anos, CEIP Cidade Vella, A Coruña.
Responde: Francisco Armesto Ramón.

As emocións son instintos animais moi básicos que serven para a supervivencia. O medo, por exemplo, provoca alerta e evita a exposición a unha situación de risco. Nos seres humanos, a necesidade de comunicación tamén é un instinto básico; e parece que antes de que existisen as palabras a produción de sons (algo así como a música) podía ser a forma que tiñan os nosos antepasados máis remotos para comunicarse. Así transmitirían alegría, tristeza, xenreira, medo, interese, etc. Por iso é polo que a música ten esa capacidade para espertalas, pois actúa sobre os nosos instintos máis básicos. Pode beneficiarnos e provocar relaxación e tranquilidade, pero tamén é capaz de causar irritabilidade, agresividade e amgueria.

Fai a túa pregunta

12 + 5 =