Pregunta: Antón, 11 anos, CEIP nº 2, Tui (Pontevedra)
Responde: Susana Pérez Castelo.

Segundo os datos da Organización Mundial da Saúde, a contaminación da atmosfera provoca a morte de ao redor de tres millóns de persoas ao ano. As partículas finas que se atopan no aire, procedentes do uso dos combustibles de vehículos, calefaccións, industrias e outras actividades, introdúcense nos sistemas respiratorio e circulatorio, e poden acabar producindo enfermidades graves que causen a morte. É moi importante que se tomen medidas para reducir as emisións de gases e partículas contaminantes, como limitar o tráfico dentro das cidades, promover o uso dos transportes públicos ou o uso de enerxías renovables, como a solar ou a eólica, e así protexer a saúde das persoas e do planeta.

Fai a túa pregunta

14 + 4 =