PREGUNTA: Santiago, 14 anos, Santa María del Mar, A Coruña.
RESPONDE: PATRICIA BARCIELA.

Son moitos os retos que ten entre mans a ciencia actual, e estes son algúns deles: cada vez máis persoas desenvolven demencia e iso supón un gran custo persoal e económico para a sociedade, así que investigar como tratar estas enfermidades é un dos desafíos. Doutra banda, o rápido crecemento do transporte aéreo necesita ser xestionado mellor pola ameaza do cambio climático. En canto á nutrición, calcúlase que para o 2050 haberá 9.100 millóns de persoas no planeta e haberá unha crecente demanda de alimentos como carne e leite; temos que lograr que a xente reciba suficientes nutrientes para vivir unha vida saudable. Ademais, ao redor do 98% do auga do noso planeta é demasiado salgada tanto para beber como para o seu uso na agricultura; o reto é conseguir o acceso de toda a sociedade ao auga potable. Para rematar, a Organización Mundial da Saúde (OMS) considera que os antibióticos engaden unha media de 20 anos ás nosas vidas. Pero dende o descubrimento da penicilina a comezos do século XX o uso excesivo destes fármacos levou a que as bacterias desenvolvan resistencia, e xurdiron superbacterias intratables que ameazan as bases da medicina moderna. ¡Quédanos moito traballo por diante, pero podemos facelo!

Fai a túa pregunta

7 + 11 =