4. ACTIVIDADES
4.1. Actividades de introdución
(A) Lectura da primeira noticia: o artículo de opinión Caminos de Gonzalo Ocampo.
-Este artigo permitiría mostrar que calquera persoa culta que necesite escribir, independentemente de que sexa un especialista na linguaxe ou non, se sorprende e mostra interese polo fenómeno da sinonimia.
(B) Lectura do artigo Sendas e vías, carreiros e estradas, de Carlos Ocampo.
-É un artigo aparecido en La Voz de la Escuela que presenta o tema da sinonimia. Pretende facelo con amenidade e a un nivel axeitado á escola.
(C) Lectura do artigo de opinión El día después, de Francisco Ríos.
-Esta lectura debería servir para analizar o fenómeno das substitucións designativas, polo tanto esta actividade estará destinada aos últimos niveis.
4.2. Actividades de desenvolvemento do proceso
(D) Exposición
-Se o desexa, o profesor pode seguir o resumo esquemático que incluímos nesta unidade didáctica, pero tamén podería basearse nas páxinas que calquera libro de texto escolar dedicará ao tema ou nas lecturas recomendadas ao final deste e-studio. Non obstante, téñase en conta que o artigo de Gutiérrez Ordóñez, con ser moi claro, é excesivo mesmo para os alumnos dos últimos cursos.
(E) A busca do tesouro
-Trátase de aplicar os coñecementos teóricos ao xornal. Búscase unha noticia que teña un tratamento amplo (unha páxina e varios despezamentos, ademais de subtítulos), porque é máis doado que o xornalista tivera que recorrer a sinónimos.
-Por equipos, búscanse sinónimos e expresións de designación equivalente.
-Clasifícanse en sinónimos e expresións equivalentes.
-Búscanse outras opcións posibles.
(F) Aprendendo a empregar o dicionario
-Pódese, segundo idades, optar por sinalar palabras no xornal para que os alumnos busquen sinónimos ou por realizar a actividade sen acoutala.
-Cabe facela individualmente ou por equipos. Neste caso, seguro que as solucións achegadas son máis ricas e permitirán razoar por que algunhas opcións son válidas e outras non.
4.2.2. Actividades de ampliación
(G) O reparto do tesouro.
-Como na actividade (E), búscase unha noticia que teña un tratamento amplo (unha páxina e varios despezamentos, ademais de subtítulos).
-Por equipos, búscanse sinónimos e expresións de designación equivalente e clasifícanse.
-Búscanse outras opcións posibles, ademais das elixidas polo xornal.
(H) Trátase de dar un paso máis na actividade (G).
-Sinálase, de entre as opcións elixidas polo xornal e os estudantes, os matices que poidan ter: connotacións, significados de nivel de lingua, ou de diferenzas diatópicas, de usos (variación diafásica) ou de ámbito que poidan ter.
-Valórase cál é a alternativa máis axeitada.
