Neste día de 1961 saltaba aos medios de comunicación unha noticia científica que causou enorme estupor e unha intensa conmoción: o biólogo italiano Danielle Petrucci, investigador e profesor da Universidade de Bolonia, acababa de acadar por primeira vez a fecundación in vitro. É dicir, a fecundación nunha probeta de laboratorio, fóra do corpo dunha muller, dun óvulo humano. O embrión xestado deste xeito estaba vivo e a súa evolución estaba sendo filmada. O debate científico e ético foi inmediato. O Vaticano condenou a experiencia. Con todo, este foi o primeiro paso para que en breve espazo de tempo moitas parellas puidesen superar os seus problemas de infecundidade. A partir do procedemento ideado por Petrucci, el mesmo e outros investigadores foron progresando e mellorando o protocolo ata conseguir unha técnica que hoxe xa é habitual. O primeiro bebé nacido mediante fecundación in vitro foi a nena inglesa Louise Brown en 1978, que hoxe ten xa máis de 30 anos.
