Iniciámolo en La Voz de la Escuela (1 de febreiro do 2023) e agardamos que permaneza durante algún tempo, se os profesores o consideran importante, posible e útil. Falamos dos tres sistemas para traballar coa noticia na aula aos que fixemos referencia, e que son o estadounidense The Learning Network, o Clemi francés (o Centre pour l’éducation aux médias et à l’information) e La Voz de la Escuela, o español. O noso obxectivo principal é proporcionar ao programa oficial español diversas referencias segundo a importancia que ten traballar coas noticias do xornal na aula:
1 | Por exemplo, segundo relata The Learning Network, cincocentos alumnos crearon a palabra oblivionario. Designa un multimillonario que desexaría estar cego e non percibir a desigualdade que realmente ve no mundo. Algo así como non querer darse conta desa realidade que o tortura e que lle leva a pensar que a vida é así: uns ricos e outros pobres. A palabra oblivionario podería aplicarse mesmo, por exemplo, a esquecerse de estudar e telo como algo normal e non sentirse culpable diso. Que opinas?
- https://www.nytimes.com/section/learning
2 | A asociación Clemi informa sobre o Gran Concurso de Medios de Comunicación para festexar o 40.º aniversario da súa fundación. Este ano 2023, o 23 de marzo comezará, a través da radio, a semana especial cuxas actividades durarán ao longo de todo o ano. Un dos obxectivos é atender tamén á lectura do xornal nas familias e ao fomento das reunións cos pais e os fillos adolescentes para falar sobre noticias e temas de actualidade que presenta o xornal e o programa, que leva desenvolvendo desde os primeiros tempos, para aprender aos nenos pequenos a ler na casa.
- https://www.clemi.fr
3 | En La Voz de la Escuela destacan novas seccións como son, por exemplo, Escola de saúde, onde se fala da importancia dos límites que nos axudan a seleccionar as redes de información… ou dos sistemas educativos citando o sentimento de comunidade, por exemplo, da importancia dos programa educativos en Dinamarca.
- https://www.prensaescuela.es
PREGUNTA CLAVE
Como logramos na aula conectar, máis ou menos, os temas oficiais das áreas de aprendizaxe con noticias que van saíndo día a día no xornal? Bo traballo.
