O Colexio Profesional de Enxeñaría Técnica de Informática (Cpetig) e a Axencia para a Modernización Tecnolóxica de Galicia (Amtega) presentaron a pasada semana o documental Marxe de erro, no que se amosa o perfil profesional de cinco mulleres tecnólogas. A iniciativa forma parte do Plan DigiTalent para promover as vocacións tecnolóxicas femininas. Na reportaxe saen Berta Candendo, Susana Ladra, Susana Gómez, Verónica Bolón e Silvia Piñeiro, todas profesionais que contan as súas experiencias e retos como mulleres no seu campo.

 

Que é o nesgo de xénero que hai na ciencia?

Ás veces pensamos que o machismo é algo propio de xente con pouco nivel educativo ou coa violencia machista, pero non hai tal. O machismo está na sociedade dun xeito tan natural que ata quen pensa que non o é se equivoca.

Por iso, o Ministerio de Ciencia sacou un pequeno vídeo explicando que no seu mundo, tan lóxico e amante dos datos, hai nesgo de xénero: repartiron o mesmo currículo (exactamente igual) en varias universidades para un posto en investigación, pero nun levaba firma de home e noutro de muller. A ela valorárona menos (tamén as mulleres) e del destacaban as súas posibilidades de liderado (as dela nin as mencionaban).

Compartir en Compartir en Facebook Compartir en Twitter Compartir en WhatsApp

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies