Fernando Pariente.

Mark Twain e o seu editor prepararan coidadosamente o lanzamento da nova novela do xa popular escritor: As aventuras de Huckelberry Finn. O plan era publicala antes do 15 de decembro de 1884 para que coincidise cunha xira de conferencias do autor polas principais cidades de Estados Unidos como campaña de venda antes de Nadal. Pero un problema na impresión das ilustracións deu ao traste co proxecto e a novela non puido ser publicada ata este día de febreiro de 1885. Malia iso naceu con bo pé e axiña se converteu nun enorme éxito de vendas grazas á publicidade gratuíta que lle deu o debate suscitado polo comité de dirección da todopoderosa Concord Library, que a definiu como lixo. Defensores e detractores enfrontáronse sobre todo en torno ao sistema escolar. Moitos centros abominaban dela, pero outros a converteron en texto preferente. A obra ten como eixe central narrativo o río Mississippi e é, en opinión de Hemingway, “o libro do que xorde toda a literatura norteamericana contemporánea”.