Fernando Pariente.

Durante moitos anos a Unión Europea careceu de política exterior común. Nos conflitos que se producían no mundo non había unha voz europea coherente cos intereses comúns. O caso máis flagrante produciuse ao comezo da Guerra de Iraq. Mentres os dirixentes dalgúns países se facían fotos nas Azores co presidente de Estados Unidos, George Bush, para apoiar a invasión, outros se opoñían de fronte na ONU. Para intentar poñer algún remedio a esta situación creouse o posto de Alto Representante da Política Exterior e de Seguridade Común da Unión Europea e elixiuse para ocupar o cargo ao español Javier Solana, que estaba a piques de deixar o posto de secretario xeral da OTAN. Empezou a exercer como Mister PESC, o seu novo cargo, en outubro dese mesmo ano.