Fernando Pariente.

O 17 de xaneiro do 1920 foi o primeiro día en que a sociedade norteamericana se viu obrigada a absterse do alcohol ao entrar en vigor a Emenda 18, aprobada polo Congreso tres anos antes. Os seus defensores sostiñan que así se iniciaba unha nova vida da sociedade con grandes vantaxes para a convivencia e a moralidade. Con todo, a crúa realidade viría demostrar, co paso do tempo, que os inconvenientes poderían ser maiores que as vantaxes. O submundo clandestino que naceu da prohibición foi un eficaz caldo cultivo para o desenvolvemento das mafias, da violencia e do crime. O remedio foi peor ca enfermidade. Por iso unha nova emenda á Constitución, a 21, derrogou no ano 1933 a Emenda 18.