PREPARACIÓN

Antes de deseñar a programación doe-studio de noticiasFígados solidarios e de preparar a súa clase, suxerimos que o profesor teña en conta os seguintes pasos:

-Ler o texto da noticiaen La Voz de la Escuela do 15 de novembro do 2006: Doazóns moi solidarias. Pódese consultar no buscador del suplemento. En todo caso, ofrecemos máis abaixo o texto base da noticia.

-Visitar tamén outros textos complementarios na hemeroteca de La Voz de Galicia, escribindo a palabra fígado no Busca Voz e activando o hipervínculo final de cada artigo Podémoslle suxerir. Isto facilitarache o contacto con outras noticias de actualidade máis recente e que foron sucedendo neste tema dos transplantes de fígado.

-Consultar ademais as direccións web sinaladas nos Recursos. Daranche a base para as actividades e preguntas de ampliación programadas nesta UD.

-Finalmente, recordamos que nesta UD seguiremos a nomenclatura usual na terminoloxía académica, para facilitar así o encadre da noticia na estrutura escolar: obxectivos, contidos, actividades, metodoloxía, avaliación, recursos.

A NOTICIA

Un fígado doado en Mallorca salva unha vida en Santiago (La Voz, 07/11/2006).

Unha muller salvou a vida en Santiago grazas ao transplante de fígado doado pola familia dunha persoa falecida en Mallorca. En Santiago fíxose recentemente con éxito o segundo transplante de ril de doante vivo. Tamén se pode partir un fígado e favorecer dous enxertos, aínda que con maior risco de complicacións.

Un neno chinés necesitou un fígado novo tras comer cogomelos velenosos (La Voz, 03/11/2006).

Un neno chinés de 11 anos evoluciona favorablemente na uci do Hospital Clínico de Santiago, onde onte á noite se mantiña estable, despois que lle realizaron hai dous días un transplante de fígado. A semana pasada, ante a extrema gravidade que presentaba e ao temerse pola súa vida, o hospital solicitou un fígado para el mediante un código cero, un procedemento polo que se reclama total prioridade no caso de que exista unha doazón en España. A pesar de que o fígado procedía dun adulto, efectuouse unha redución e adaptouse con éxito, pois empezou a reaccionar ben, segundo explicou o cirurxián Evaristo Varo, xefe da unidade de transplante abdominal do complexo hospitalario de Santiago.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies