Fernando Pariente.

O Día das Letras Galegas dedícase este ano a lembrar a un estudoso da terra galega máis ca un creador literario. Antón Fraguas colaborou dende moi novo nos principais cenáculos da investigación galega, dende as Irmandades da Fala ata o Seminario de Estudos Galegos, investigando e publicando artigos sobre a xeografía, a historia, a etnografía e o folclore do pobo galego. Prevaleceu sempre nel a súa faceta de profesor e mestre, tarefa á que dedicou a súa vida malia a persecución padecida nos primeiros tempos da ditadura franquista pola súa implicación galeguista, a cal lle custou ser desposuído da súa cátedra de instituto. Recuperaríaa anos máis tarde e continuou exercendo a docencia en Lugo e en Santiago. Quizais o que deixou unha pegada máis fonda na sociedade galega sexa o seu labor como fundador e director do Museo do Pobo Galego. Primeiro recibiu o encargo do Concello de Santiago de dirixir o seu museo municipal en Santo Domingos de Bonaval e el, a partires dese núcleo, creou o que hoxe é o Museo do Pobo galego.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies