O certame Xornalismo na Escola, o concurso de La Voz de Galicia e Prensa-Escuela que converte os alumnos de ESO, FP e bacharelato en reporteiros, terá este curso 17 grupos concursantes. Veñen das catro provincias galegas e por primeira vez participan estudantes de formación profesional.
As reportaxes aínda están agora nos primeiros compases, xa que este ano, para non apurar aos profesores, as primeiras publicacións serán o 15 de marzo, para rematar o 24 de maio.
Estes son os profesores e centros participantes:
- Juan Carlos Montejano, do IES de Valga
- Gonzalo Sánchez Busons, do CPR Divina Pastora de Ourense
- Beatriz Malvido, do CPR Sagrada Familia de Cangas
- Elvira Castro, do IES Francisco Aguiar, de Betanzos
- Rocío Pérez Porto, xunto con outras compañeiras do departamento, do IES Concepción Arenal, de Ferrol
- Fiz Cabana, do CPR Obradoiro, da Coruña
- Beatriz Troncoso Lorenzo, do CPR Santa María (Maristas) de Tui
- Ana López Formoso, do IES Ramón Menéndez Pidal (Zalaeta), da Coruña
- Silvia López, do CPI Julia Becerra Malvar, de Ribadumia
- Miryam Giménez, do CPR María Assumpta (Jesuitinas), de Noia
- Alberto Salcido, que coordina o traballo de varios profesores nunha reportaxe na que participan catro cursos de primeiro da ESO do IES Rosalía de Castro, en Santiago
- Javier Rodríguez González, do IES Ribadeo Dionisio Gamallo
- Manel Yáñez, do IES Ribadeo Dionisio Gamallo
- Xacobe López, do IES As Barxas, de Moaña
- Marcos Corgo, do CPI O Cruce, de Cerceda
- Jacobo Santos Solla, do IES Pedra da Aguia, en Camariñas
- Rebeca Santamariña, do IES Puga Ramón, na Coruña
As reportaxes tratarán sobre os máis diversos temas, dende a industria do aluminio ata a axuda galega a Ucraína pasando por unha análise do patrimonio local, a alimentación dos rapaces, a forza do cómic manga ou o papel de Europa na nosa pesca. No Rosalía de Castro, os alumnos de primeiro analizarán a situación dos diferentes obxectivos de desenvolvemento sostible, os famosos ODS, da Axenda 2030.
