OLGA SUÁREZ
Hai persoeiros da historia que deben acompañar aos nenos dende pequenos, sobre todo aqueles que están relacionados co seu entorno. É o caso de Manuel Murguía, historiador e escritor, creador da Real Academia Galega e un dos artífices do coñecido Rexurdimento Galego, xunto a Rosalía de Castro, que foi a súa muller e coa que tivo sete fillos. Estamos falando duns anos no século XIX no que xurdiron escritores comprometidos coa defensa do galego, tras séculos nos que o idioma non estaba ben visto.
Toda esta información é coñecida xa polo alumnado de sete colexios galegos cuxos profesores elaboraron conxuntamente un paquete de actividades didácticas para traballar, coincidindo co centenario da a morte de Murguía, o 2 de febreiro. As escolas participantes son o Emilia Pardo Bazán, o Manuel Murguía de Feáns, o Salgado Torres e o Ramón de la Sagra, todos eles en A Coruña; o R. Otero Pedrayo de A Laracha, o San Pío X de Ourense e o Sofía Casanova de Culleredo.
«Pequeno de corpo e grande de esforzo», Manuel Murguía naceu o 17 de maio en 1833 en Oseiro (Arteixo) e finou en 1923 en A Coruña. En 1845 a súa familia marchou a Santiago e nesta cidade foi dende rematou o bacharelato e a carreira de Filosofía. Os alumnos descubriron con estas actividades que Murguía comezou a carreira de Farmacia, para seguir coa profesión do seu pai, pero non a rematou. Despois, trasladouse a Madrid onde iniciou a súa carreira como xornalista. Na capital casou con Rosalía de Castro, coa que tivo sete fillos. A súa vida cultural foi enorme: foi cronista de Galicia, director do Arquivo xeral de Simancas e fundador da Real Academia Galega, tamén o seu primeiro presidente. Foi el quen animou a Rosalía a escribir a súa obra más relevante, Cantares Gallegos, publicada o 17 de maio de 1863, unha fecha que agora celébrase coma o Día das Letras Galegas, pero que tamén coincide coa do aniversario de Murguía.
Os centros educativos participantes expoñen estes días uns carteis que percorren a vida do historiador para que os nenos podan coñecela e despois traballar nas actividades propostas: un cuestionario, uns pasatempos, encrucillado e ata un espazo para debullar.
