A noticia do día

  • Quen
  • Que
  • Onde

Case 400 zonas de baño con auga excelente nas praias galegas O 95 % das áreas analizadas pola Xunta contan con calidade óptima ou boa

Case 400 zonas de baño con auga excelente nas praias galegas O 95 % das áreas analizadas pola Xunta contan con calidade óptima ou boa

CARMELA QUEIJEIRO.

MÓNICA P. VILAR | 20/06/2019.

Praias salvaxes, areais urbanos, calas diminutas, beiras quilométricas… Galicia ten nas súas praias un auténtico tesouro e a calidade das súas augas é un dos seus principais atractivos. Para certificala, a comunidade conta co maior número de puntos de mostraxe de entre todas as autonomías. Case un de cada catro enclaves de análises de España está en territorio galego. E os resultados dificilmente poden ser mellores.

Dos 507 puntos controlados pola Xunta, o 95 % teñen augas de calidade boa ou excelente. Se nos centramos nas zonas costeiras con nivel óptimo, a tempada estival arrinca con 393 zonas de baño de máxima calidade nas praias do litoral galego. A cifra está por encima das 9 de cada 10 analizadas.

A provincia da Coruña concentra o maior número, con 184, seguida de Pontevedra, con 167. A costa lucense conta con 42. E a administración autonómica xa estuda outros sete enclaves que poderían ser engadidos en próximas tempadas ao censo oficial de zonas de baño e das que cinco arroxan resultados excelentes en canto a calidade de auga.

Actividades

A1. NOTICIA COMPLETA: Na páxina 10 de La Voz de Galicia, con mapa incluído.

A2. PRAIAS FLUVIAIS: A metade das praias fluviais logran a calidade máxima e outras se contentan aínda cun suficiente amplo que se distribúen por Pontevedra (21), Ourense (20) , Lugo (16). E A Coruña (12). En fin, que é fácil mollarse e buscar frescura en tempos estivais.

A3. A OUTRA CARA: Nos últimos anos, 18 praias marítimas e fluviais foron eliminadas da listaxe oficial de zonas de baño Podes facer recorte e apuntalas na túa axenda cun NON.

A4. FINAL PARA “NOTICIA DO DÍA”. Quedamos, pois, caladiños… pero moi alegres de estar convosco todos os días hábiles do curso 2018-2019. O poder chegar a todos os que quixeron lernos foi para nós a mellor noticia. Moitas grazas, pois e excelente verán para todos.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies