La Voz de Galicia e Viaqua volven unir as súas forzas no seu compromiso co desenvolvemento sostible e nesta ocasión buscan involucrar aos escolares galegos, profesores e familias; nunha acción coa que impactar no seu día a día e no medio ambiente.

Numerosos estudos acreditan que un ser humano tarda en adaptarse a un novo cambio ou hábito, 21 días. Por iso é polo que este novo concurso chama á participación do alumnado galego (de Educación Primaria, Educación Secundaria ou Educación Especial) a desenvolver un dossier querecoja as accións planificadas e levadas a cabo durante ese tempo (21 días), polo propio alumnado, co obxectivo de coidar o medio ambiente, transformar o mundo con novos hábitos de vida e contribuír a cumprir os Obxectivos de Desenvolvemento Sostible marcados pola ONU na Axenda 2030.

Os alumnos poderán participar de maneira individual ou como clase, e deberán documentar nun dossier as pautas realizadas, os recursos utilizados e as melloras obtidas.

Os escolares terán ata o próximo 8 de xuño para entregar os seus traballos e poder optar así a calquera dos fantásticos premios:

Premios en caso de participación como aula:

  • 1º premio para a aula: Encerado electrónico ou Portátil (a elixir).

Premios en caso de participación individual:

  • 1º premio para alumno ou alumna: iPad.
  • 2º premio para alumno ou alumna: Altofalante.
  • Premio para o profesor ou profesora supervisor dos traballos gañadores do primeiro premio en participación individual: Invitación a un espectáculo cultural dos celebrados na Coruña, Ferrol, Santiago, Lugo, Ourense, Pontevedra ou Vigo ao longo do ano 2021.

Esperámosvos a todos!

Bases do concurso 21 días transformando o mundo con La Voz de Galicia e Viaqua

Compartir en Compartir en Facebook Compartir en Twitter Compartir en WhatsApp

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies