BBC

MADRID / EUROPA PRESS | 11/12/2019

Enxeñeiros chineses ultiman o primeiro somerxible tripulado do mundo capaz de realizar investigacións complexas no fondo do abismo máis profundo dos océanos, a foxa das Marianas.
Os enxeñeiros do Centro de Investigación Científica de Buques de China en Wuxi, provincia de Jiangsu, unha subsidiaria do conglomerado estatal de construción naval China State Shipbuilding Corp, han ensamblado a estrutura do somerxible de inmersión profunda, e actualmente están instalando equipos no seu interior, explicou Liu Jiarui, xerente de proxecto na sección de ciencia e tecnoloxía do centro.

O seu obxectivo é completar o somerxible eléctrico, que aínda non se nomeou, antes de que acabe de ano, e logo comezar a realizar probas nun lago en Wuxi como paso previo ás probas no mar, dixo Jiarui no Marintec China 2019, unha exhibición de tecnoloxía mariña que abriu en Shanghái o martes da semana pasada.

No 2021, o somerxible será entregado á Academia de Ciencias de China e utilizarase para levar a cabo expedicións tripuladas na fosa das Marianas. Liu dixo que o somerxible sería «o primeiro capaz de levar humanos a 10.000 metros baixo a auga para realizar misións científicas», e agregou que case todos os aparellos e tecnoloxías da nave foron desenvolvidos por investigadores chineses pola súa conta.

Actividades

1. ¡Esta si que é unha noticia de profundidade! Aquí a tes enteira.

2. O somerxible, do que non existen fotos -¿atréveste a facer un debuxo imaxinándoo?-, baixará á foxa das Marianas. ¿Onde queda iso?

3. Os chineses non din que sexa a primeira vez que se descenderá tanto, senón que se poderán facer investigacións científicas.

4. ¿Gustaríache ir dentro del? ¿Que cres que verías? ¿A luz do sol chega alá abaixo?

5. Se a foxa das Marianas é o punto máis profundo, ¿cal é o máis alto da Terra? ¿Onde está?

6. E como é mércores, no centro do xornal atoparás La Voz de la Escuela. Nas súas oito páxinas atoparás opinións de todo o mundo sobre para que serve un xornal no aula e como traballan con el. E ademais, dúas páxinas dedicadas a algo tan galego como as montañas.