Uns 350 koalas morreron nos incendios | STEFICA BIKES

EUROPA PRESS | MELBOURNE | 19/11/2019

Os incendios dos últimos días na costa leste de Australia mataron preto da metade dos koalas que vivían nunha reserva en Nova Gales do Sur, segundo estimaron o pasado venres expertos conservacionistas de vida silvestre.

Uns 350 koalas que vivían na Reserva Natural Lago Innes de Port Macquarie, na cidade costeira, morreron nos incendios, anunciou a presidenta do grupo Koala Conservation Australia, Sue Ashton, que destacou que a poboación total da especie na reserva era de entre 500 e 600.

As chamas que comezaron a finais de outubro, nun inicio temperán da tempada de incendios forestais, estendéronse ata a reserva e destruíron dous terzos do hábitat dos koalas, o que deixou ao resto das zonas baixo a ameaza dun dos 15 grandes incendios no estado do sueste do país.

Actividades

1. A noticia atópala hoxe na páxina do tempo, e aquí a tes enteira.

2. Primeira sorpresa: ¡pero sei estamos no outono e por riba chove! ¿Como é que hai incendios en Australia?

3. ¿Que é unha reserva? ¿Para que valen?

4. En Galicia non hai koalas, pero as árbores e os bosques teñen moita vida. Obsérvaos. ¿Que ves neles? ¿Algún animal grande? ¿Algún minúsculo? ¿Algún polo aire? ¿Que son?