China investiu 52.500 millóns na construción do novo aeroporto | JASON LEE / REUTERS

MARÍA PUERTO | PEQUÍN | 14/10/2019

Viaxar á capital chinesa ten un novo aliciente: pisar o aeroporto máis grande do mundo dunha soa terminal. O seu nome oficial é Pequín-Daxing, pero a prensa do xigante asiático xa o bautizou popularmente como a estrela de mar.

A nova mega estrutura está deseñada a escala das necesidades da superpoboada China e tamén do seu papel de superpotencia económica; por iso todas as súas cifras rompen récords, incluído o estudado deseño en forma radial.

Unha única terminal de sete plantas, dous delas subterráneas, acolle aos viaxeiros. En total, 700.000 metros cadrados construídos, aos que hai que sumar os accesos e as zonas de servizos.
A terminal ten forma de estrela: nos cinco brazos están as portas de embarque e os fingers de acceso aos avións. A forma radial está deseñada para evitar longas camiñadas polo interior.

Actividades

1. ¿Queres saber máis cousas dese enorme aeroporto? Pois segue lendo a noticia, que ocupa case toda a derradeira páxina do xornal de hoxe.

2. E ei queres ver como é por fóra e por dentro, olla este curto vídeo.

3. Así foi a inauguración oficial.

4. ¿Para que ten forma de estrela? ¿Que personaxe moi popular dunha serie de debuxos animados de televisión é unha estrela?

5. En Galicia temos tres aeroportos. Un no norte, outro no medio e outro no sur. ¿Sería mellor ter un só pero moi grande?