O. S.
As habilidades sociais son tan importantes como as matemáticas a lingua o a bioloxía. No CPR Plurilingüe Eduardo Pondal de Cangas están a traballar este tema vinculado á violencia machista nun obradoiro cos estudiantes de cuarto da ESO. O pasado 10 de febreiro os alumnos recibiron a visita das responsables da asociación Rede de Mulleres Veciñais contra os malos tratos de Vigo. Durante a charla, a mocidade puido compartir os seus puntos de vista e dúbidas sobre temas como as relacións tóxicas, a comunicación dentro da parella, a linguaxe inclusiva e a igualdade en ámbitos como a Internet, a televisión, o deporte e a cultura.
O obradoiro, ofrecido pola asociación, foi o colofón ás intervencións artísticas reivindicativas «Netas de bruxas» e «Guarrilla girls» levadas a cabo polo alumnado durante este curso e o anterior, dentro do programa Cangas en Negro organizado polo CIM do Concello de Cangas co gallo de 25 de novembro, Día Internacional Contra As Violencias Machistas.
O alumnado aproveitou a sesión para facer entrega do recadado coa venta de camisetas, bolsas e cuncas da marca creada por eles mesmos para unha das súas intervencións.
