Elián, 10 anos, CEIP José María Lage, Ortigueira
Responde: Bibiana García Visos
Hai uns días, Elián, apareceu un fósil nas Highlands de Escocia, unha rexión ao norte da illa de Gran Bretaña, que segundo os científicos podería ser o primeiro animal na historia da Terra. Con ao redor de mil millóns de anos de antigüidade, Bicellum brasieri, así o chamaron, podería ser o devanceiro común a todas as especies que compoñen o reino animal. Probablemente o seu aspecto sexa moi distinto do que estás a imaxinar, pois os seus descubridores descríbeno así: «Atopamos un minúsculo organismo esférico primitivo formado por unha disposición de dous tipos de células distintos».
Este pequenísimo achado tamén é importante porque pode concluír que os primeiros animais apareceron nas augas doces dos lagos, mentres que ata o de agora pensábase que era algo que sucedera na auga salgada dos océanos.
Haz tu pregunta
