A noticia do día

  • Quen
  • Que
  • Onde
Ana Lage, meteoróloga de Meteogalicia.
Ana Lage, meteoróloga de Meteogalicia. | ÁLEX LÓPEZ- BENITO

O tempo «toleou» en Viveiro: oitenta litros en dúas horas

A chegada de aire cálido e húmido que ao subir atopaba aire moi frío en capas altas provocou a chuvascada

LUCÍA REY | VIVEIRO / A VOZ

Martes, 20 Novembro 2018

«O tempo toleou». A afirmación está en boca de moitos cidadáns desde hai tempo, pero fenómenos meteorolóxicos como o que viviu o domingo pola noite Viveiro parecen confirmala.«A situación  do domingo  veu dada porque se  deron varios condicionantes  á vez. Por  unha parte, había temperaturas cálidas en superficie, de  arredor de 16  graos, que  non son  moi  habituais  nesta época  do ano. E, por  outra, había un anticiclón centrado nos países nórdicos que nos enviaba  ventos  do leste,  ademais  dunha  pequena  baixa centrada  ao leste de Portugal», explica Ana Lage, meteoróloga de Meteogalicia

Tan locais foron as precipitacións que as dúas estacións da rede meteorolóxica situadas en Viveiro rexistraron datos totalmente dispares. Así, a do Penedo do Galo, emprazada detrás do monte San Roque, a 552 metros de altura sobre o nivel do mar, captou 80 litros por metro cadrado en apenas dúas horas. Entre as 21.30 e as 23.30 horas. « Deles, catorce litros  caeron en  dez minutos, e cincuenta  nunha hora», sinala Lage.

O barrio de Xunqueira, cuxa parte central, a máis próxima ao río do mesmo nome, quedou  devastada pola riada, está a medio camiño entre os dous puntos de medición de Meteogalicia e sufriu con toda a crueza a situación. Unha forte tormenta eléctrica que descargou case encima, unida a unhas choivas torrenciais que propiciaron a alarmante crecida do regacho que o atravesa, e que baixa de Fontecova en dirección á desembocadura do río Landro, que dá vida á ría de Viveiro.

Nota importante: Se picas no título da noticia, abriránseche as ligazóns do Quen, Que e Onde, ademais da proposta de Actividades.

Actividades

1. NOTICIA. O texto completo en La Voz de Galicia de hoxe, pág. 3.

2. REFERENCIAS. Ante a dobre referencia no texto da noticia en  galego e castelán, optamos polas ligazóns da noticia en  galego.

3. GRÁFICO: Consulta a imaxe da páxina 3 e atoparás datos importantes: Plano de Viveiro / núcleo histórico / canalización do  rìo Xunqueira / inundacións e desfeitas / o tapón… ¿que pasou? / caudais / núcleo urbano… todo un excelente modo de presentar a noticia.

4. CAUDAIS: ¿Saberías buscar o nome dos ríos que desembocan en Viveiro?. Anímate: A túa hora e destreza no móbil. ¡Agradecerancho!

5. COLEXIOS: ¿E a dirección dalgún Colexio co que poidades establecer unha comunicación para que vos expliquen todo o que pasou e como se atopan? ¡É o teu momento de xornalista! Non cho perdas.  

Consultar outra data

«Novembro, 01 11 2018»
LunMarMerXovVenSabDom
1234
567891011
12131415161718
19202122232425
2627282930