A noticia do día

  • Quen
  • Que
  • Onde
MARTINA MISER

5.200 mortos na estrada desde 1997

Os accidentes cobráronse a vida de miles de galegos. A mellora de estradas e vehículos, as políticas de seguridade viaria e a concienciación social auguran un futuro moito máis seguro

JOSÉ MANUEL PAN | REDACCIÓN / LA VOZ

Luns, 20 Novembro 2017

En 1997 houbo 466 mortes nas estradas galegas. Un ano despois, o loito estendeuse a 482 familias. Eran os peores anos para un tráfico marcado polos excesos de velocidade, polas pésimas estradas, polo escaso uso do cinto de seguridade e polas decenas de peóns que se deixaban a vida cruzando a estrada fronte ás súas casas. 

No últimos vinte anos 5.226 persoas perderon a vida en accidentes ocorridos nas estradas galegas. As cousas cambiaron moito, pero aínda morre xente na estrada. Son xa 69 vítimas mortais este ano, a última, unha moza que viaxaba de acompañante nun coche que se estrelou o sábado contra unha casa na Estrada.

A mellora das estradas e dos vehículos e, sobre todo, unha maior concienciación cidadá conseguiron reducir as cifras de mortes nas estradas en Galicia e no conxunto de España. Pero aínda queda moito por facer para chegar ao obxectivo de cero vítimas. O tráfico do futuro aposta por unha mobilidade máis segura que conceda máis protagonismo ao peón e ao ciclista, os colectivos máis vulnerables do tráfico.

Nota importante: Se picas no título da noticia, abriránseche as ligazóns do Quen, Que e Onde, ademais da proposta de Actividades.

Actividades

A noticia enteira na páxina 6 de La Voz de Galicia de hoxe, luns 20/11/2017. Lea enteira, xa que aquí só citamos algún dato.

1. Estatística gráfica: As vítimas mortais de tráfico en Galicia desde 19997.

2. Zonas peonís. É o primeiro reto das cidades e menos coches. ¿Como o ves na túa cidade ou pobo: hai moitas, ben situadas, claras, respectámolas?

3. Estradas intelixentes. Son, segundo afírmase no texto, as que garanten maior seguridade. Le por que a aplicación de equipos avanzados teñen éxito. ¿Por que cita, por exemplo, o acceso a Mondoñedo? 

4. Máis radares. Di que, a pesar das críticas - ¿por que se critica? A DXT afirma que inflúe na diminución da accidentalidade.

5. Taxa cero. ¿A que se refire cando cita o alcol? Unha broma: ¿os coches non andan con gasolina? ¿Tamén con alcol?

6. Envellecido. ¿Quen, os coches? Pois si, o parque móbil vaise de idade. ¿Cantos anos ten o teu ou no que che levan? ¿Cantos anos pode vivir un coche, cantos quilómetros percorridos?

7. Cinto. ¿Lévalo sempre? Pois moi ben.

8. Ciclistas. ¿Por que son os máis vulnerables? ¿Sabes cales son as súas normas e situación xeográfica na estrada, de dúas en dúas, de tres en tres, etc.? ¿Ou non é asi?

9. ¡Boa viaxe e ata mañá!

Consultar outra data

«Novembro, 01 11 2017»
LunMarMerXovVenSabDom
12345
6789101112
13141516171819
20212223242526
27282930