A noticia do día

Venres, 19 Outubro 2018

Os países sen castigos físicos reducen as pelexas entre mozos ata un 70 %

Un estudo canadense sitúa a España como o quinto con menos conflitividade

En España están prohibidos os castigos físicos para educar aos nenos. E iso xera que exista menos propensión entre os mozos a pelexarse que nos países onde esta práctica se permite ou non está lexislada. Despréndese dun informe publicado pola revista de saúde BMJ Open que analizou datos de 88 países con diferentes posturas respecto das labazadas, as losqueadas e demais modos de educación baseados en golpear aos nenos.

A gran conclusión do estudo realizado en Canadá é que nos países nos que se vetan eses castigos físicos, nas familias e a escola, rexístrase un índice de violencia entre mozas un 70 % menos que nos países con leis permisivas respecto diso. Máis detalladamente, segundo o citado estudo os países con conflitividade xuvenil máis baixa nese sentido son Costa Rica, Portugal, Finlandia, Honduras , España, Nova Zelandia e Suecia.

Nota importante: Se picas no título da noticia, abriránseche as ligazóns do Quen, Que e Onde, ademais da proposta de Actividades.