Este curso chegará a cuarta edición do concurso Mellor Xornalista Infantil e Xuvenil, no que alumnos de Infantil, Primaria e Secundaria poderán converterse en auténticos xornalistas. En maio coñeceranse os nomes dos gañadores, que recibirán os seus premios no espazo Prensa-Escola da festa fin de curso Voz Natura, o programa de educación ambiental da Fundación Santiago Rey Fernández -Latorre. Ademais, esta edición hai novidades para os profesores, que tamén poderán participar nun atractivo concurso. Os participantes deberán entregar ao final do curso 2006/2007 unha unidade didáctica orixinal do proxecto que desenvolvan sobre o uso da prensa na clase. Poderán presentarse de forma individual ou en grupo. Os gañadores recibirán premios en metálico e verán publicados os seus traballos. Seguiremos informando...